Autori: Linda Lufo

Drejtuesit e Money Gram si dhe disa përfaqësues të mediave u mblodhën në hotel Hilton, Park Lane në një konferencë për shtyp e cila është e përvitshme. Tema e kësaj konference ishte zgjerimi i bashkëpunimit të kompanisë Money Gram me Zyrat Postare dhe me agjencinë e udhëtimeve të Thomas Cook. Sipas z. John Hempsey, CEO MoneyGram International Limited në MB, Money Gram tashmë operon në 325 zona të reja (në total në MB janë 800), të cilat janë shtuar në hartën operative të kësaj kompanie, zgjerim që është pasojë e kontratave të reja me kompaninë e Thomas Cook. Të ftuar në këtë eveniment ishin Melanie Whitehouse, Drejtoresha e Shërbimeve Financiare të Thomas Cook për MB dhe Irlandën, e cila u shpreh se ishte dëshmitare se si Money Gram po rritej dhe forcohej duke numëruar 180 vende të botës në të cilat kjo kompani ishte e pranishme me shërbimet e saj. Në këtë konferencë nuk u fol se si kjo kompani po arrin jo vetëm të mbijetojë, por edhe te zgjerojë aktivitetin e saj në një krizë të tillë financiare që a ka futur sistemin financiar mbarë botëror në një ngërç, pasojat e të cilit po ndihen përditë e më shumë .

Cila është situate e vërtetë në tregun e aksioneve për Money Gram?
Jo më vonë se 4 ditë (më 7 Nëntor) kjo kompani me qendër në SHBA deklaroi një humbje prej 13 milion dollarësh semestrin e tretë të vitit, në stokun e siguruar të aksioneve. Megjithëse stoku i aksioneve i siguruar nga kjo kompani deklarohej si tepër i sigurt pasi ky stok ishte investim me kohë të shkurtër i cili në teori mund të kthehej në cash të shpejtë nga blerësit, si pasojë e krizës kreditore dhe e mos pasjes treg për shitje të tilla, humbjet kapën shifrën prej 13 milion dollarësh. Të ardhurat nga investimet e bëra nga kjo kompani në mbarë botën u ulën me 69.8 milion nga çfarë ishte parashikimi i mëparshëm. Në analizën përmbledhëse këta dy faktorë sollën një humbje prej 38.6 milion dollarësh ose e shprehur në vlerën e tregut të aksioneve kjo humbje rezulton në 80 cent për çdo aksion. Të ardhurat e krahasuara me të njëjtin vit janë ulur në shifrën 34.2 milion dollarë. Analistët e kësaj kompanie kishin parashikuar që aksionet e tyre të shiteshin në vlerën e 19.21 dollarë, por si pasojë e fortunaleve të kaluara në tregun financiar ato janë në vlerën 1 dollarë. Lajmi pozitiv për këtë kompani është se të ardhurat nga komisionet e shërbimit janë rritur më 18 përqind ose e thënë ndryshe në 286milion dollarë. Analiza e mësipërme është në këndvështrimin mbarëbotëror të mbarëvajtjes së kësaj kompanie, por kjo nuk mund ta errësojë faktin që Money Gram me qendër në MB po bën një punë kolosale për të mbajtur nivelin e biznesit në shifrat e duhura. Nuk dihet nëse këto përpjekje ka bërë të mundur vazhdimit e traditës së bonuseve e cila kjo kompani praktikon për punonjësit e saj.